Joshua and Sharem
Buong puso ka naming inaanyayahang makiisa at makibahagi sa pinakamahalagang araw ng aming buhay, ang araw na aming pag-iisahin ang aming mga puso at buong pagmamahal na mangangako ng habangbuhay na pagsasama.
Sabado, Ika-10 ng Oktubre 2026
Ganap na ika-10 ng umaga.
ISANG ESPESYAL NA PAANYAYA PARA SA AMING NALALAPIT NA KASAL
Sa wakas, narito na ang araw na matagal naming pinangarap. Inaanyayahan ka naming silipin at tuklasin ang aming imbitasyon. Maraming salamat sa inyong pagmamahal at suporta. Nasasabik kaming ibahagi sa inyo ang napakahalagang araw na ito!
Bagama’t nais sana naming maimbitahan ang lahat, pinili naming makasama sa araw na ito ang mga taong malapit at mahalaga sa aming mga puso. Ang iyong presensya ay isang espesyal na bahagi ng aming pagdiriwang, at ikalulugod naming makasama ka sa pagsisimula ng aming bagong kabanata. Nais naming matiyak na bawat isa ay may sariling upuan at pagkakataong makisaya at magsalo-salo kasama namin.
Huwag kalimutang gamitin ang aming official wedding hashtag upang sama-sama nating tipunin at balikan ang mga masasayang alaala ng aming espesyal na araw.
Maraming salamat sa pagiging bahagi ng aming kwento.
Nasasabik na kaming makasama ka sa aming forever.
♡
#anewSHApterwithJOSHUA
Ang Aming Kwento
Noong 2012, nagsimula ang lahat sa loob ng isang simpleng silid-aralan. Bilang magkaklase at kapwa first-year college students, pareho kaming may iisang pangarap, ang makapagtapos ng pag-aaral at mabigyan ng magandang kinabukasan ang aming mga pamilya. Hindi namin inakalang ang simpleng pagkakakilalang iyon ang magiging simula ng isang paglalakbay na habang-buhay naming tatahakin.
Magkaiba man ang aming mga personalidad, isa ay tahimik at mahiyain, habang ang isa naman ay masayahin at palakaibigan, unti-unti naming natuklasan na ang aming mga pagkakaiba ang siyang lalong naglapit sa amin. Sa pamamagitan ng maliliit na effort, tahimik na pag-aalaga, at taos-pusong panliligaw, unti-unting namuo ang isang pag-ibig na hindi namin inaasahang magiging bahagi ng aming buhay. At noong Pebrero 6, 2013, nagsimula ang aming kuwento bilang magkasintahan sa isang simpleng salitang, "Oo."
Magkasabay naming tinahak ang aming mga pangarap hanggang sa pareho kaming makapagtapos ng kolehiyo. Ngunit nang harapin na namin ang tunay na laban ng buhay, hindi naging madali ang mga sumunod na taon. Dumaan kami sa mga tampuhan, hindi pagkakaunawaan, pagod, at mga panahong tila kapos ang oras para sa isa't isa. Gayunpaman, sa bawat pagsubok, lagi naming pinipiling ayusin ang aming mga pagkukulang kaysa sukuan ang isa't isa. Doon namin tunay na naunawaan na ang pag-ibig ay hindi lamang isang damdamin, kundi isang desisyong piliin ang isa't isa sa araw-araw.
At makalipas ng labintatlong taon ng pagmamahalan, dumating ang araw na matagal naming ipinagdarasal. Noong Hunyo 7, 2025, sa isang taos-pusong pagluhod at paghingi ng kamay, ay muli binigkas ang salitang "Oo", na ibig sabihin ay isang pangakong pipiliin ang isa't isa habang-buhay.
Ngayong papalapit ang araw ng aming pag-iisang dibdib, mas lalo naming nauunawaan na ang tunay na pag-ibig ay hindi tungkol sa paghahanap ng perpektong tao. Ito ay ang araw-araw na pagpili sa iisang taong mamahalin, sasamahan, at paninindigan ka sa kabila ng lahat ng pagbabago, pagsubok, at imperpeksyon.
Mula sa pagiging dalawang estudyanteng may pangarap, naging magkasintahan, at ngayon ay magiging mag-asawa. Sa bawat hakbang ng aming paglalakbay, naging bahagi at saksi rin kayo sa aming kuwento. Kaya mula sa kaibuturan ng aming mga puso, malugod namin kayong inaanyayahang samahan kami sa pagdiriwang ng panibagong kabanata ng aming buhay.
Sapagkat ang pinakamagandang kuwento ng pag-ibig ay hindi nagtatapos sa salitang "I do." kundi iyong nagsisimula rito.
Ang Kasalang
Tabelisma - Oloc-oloc
Tagapanguna sa Seremonya
Rev. Fr. Bernard A. Aguila
Magulang ng Groom
G. Jose Tabelisma
Gng. Ma. Luisa Tabelisma
Magulang ng Bride
G. Bibiano Oloc-oloc †
Gng. Myrna Oloc-oloc
Mga Ninong at Ninang
Ninong Eduardo Oloc-oloc
Ninong Choy Sobrepeña
Ninong Sammy Organiza
Ninong Vic Sanchez
Ninong Ricardo Caponpon
Ninong Manny Casalme
Ninong Froilan Tañamor
Ninong Guillermo Cacao
Ninong Nestor Banania
Ninong Florence Mondragon
Ninong Rodel Villegas
Ninong Mario Piamonte
Ninang Evelyn Oloc-oloc
Ninang Chatt Sobrepeña
Ninang Elizabeth Organiza
Ninang Judy Sanchez
Ninang Mercy Caponpon
Ninang Marivic Casalme
Ninang Mean Tañamor
Ninang Criselda Cacao
Ninang Cheryl Banania
Ninang Ludivina De Jesus
Ninang Reyna Ramos
Ninang Dorothy Drysdale
Piling Maginoo
Joseph Tabelisma
Josemari Tabelisma
Mga Binibining Pandangal
Valerie Joy Sanchez
Edelyn Oloc-oloc
Mga Pangalawang Tagapagtangkilik
Magbibigay sukob sa aming pag-iisa
Arnel Mico
Leizl Ilar
Magbibigkis ng tali ng katibayan
Mervin Oloc-oloc
Aira Vargas
Magbibigay tanglaw sa aming landas
Janmher Masajo
Melissa Amigo
Tagadala ng Singsing
Jordan Tabelisma
Andrea Mhay Oloc-oloc
Tagadala ng Bibliya
Mon Simpelo
Fatima Cherisse Banania
Tagapagdala ng Aras
John Kenneth Oloc-oloc
Anna May Magampon
Mahahalagang Detalye
Gabay sa Kasuotan
Mga Pangunahing Ninong at Ninang
Mga Ninong:
Barong Tagalog at itim na pantalon
Mga Ninang: Modern Filipiniana gown sa kulay Champagne o Beige
Mga Pangalawang Sponsor
(Secondary Sponsors)
Mga Maid of Honor: Navy Blue Duchess gown na may Beige Alampay
Mga Bridesmaid: Powder Blue o Sky Blue Duchess gown na may Beige Alampay
Mga Best Man: Navy Blue na Barong Chino, at itim na pantalon
Mga Groomsman: Beige Barong Chino na ipapares sa itim na pantalon.
Para sa mga Bisita
(Guests)
Mga Kababaihan:
Semi-formal dress sa kulay na Blue o Champagne/Beige
Mga Kalalakihan: Polo o polo shirt sa anumang kulay ng Blue o Champagne/Beige at pantalon na kulay itim/brown.
Malugod naming hinihiling ang inyong pakikiisa sa aming napiling kulay at kasuotan upang maging mas maayos at kaaya-aya ang pagdiriwang ng aming kasal
Maaaring pagandahin at pagningningin ang inyong kasuotan sa mga itinakdang kulay, ngunit ang inyong ngiti pa rin ang pinakamagandang bagay na maaari ninyong isuot!
Paalala:Mangyaring iwasang magsuot ng jeans, t-shirt, tsinelas, puti o itim na kasuotan, sleeveless, o damit na labis na nakalantad.
Gabay sa Regalo
Sa lahat ng biyayang ipinagkaloob sa amin ng Diyos, wala na kaming mahihiling pa. Ang inyong presensya at mga panalangin ang tanging hiling namin sa espesyal na araw na ito.
Ngunit kung nais ninyo pa rin kaming bigyan ng regalo, lubos naming pahahalagahan ang anumang regalong salapi na maaari naming magamit para sa aming kinabukasan bilang mag-asawa.
Kuhanan at Ibahagi
Kuhanan ang bawat espesyal na sandali—maging ito man ay candid, sweet, o makulit!
Huwag kalimutang i-tag kami at gamitin ang aming wedding hashtags upang maibahagi ang inyong mga larawan at ang pagmamahal sa aming espesyal na araw.
Hindi na kami makapaghintay na makita ang inyong mga kuha! 📸💖
#anewSHApterwithJOSHUA
Mga Paalala
- Dumating sa tamang oras
- Manatili hanggang matapos ang programa
- Magsaya at i-enjoy ang bawat sandali!
Lugar ng Pagdiriwang
Madalas na Katanungan
RSVP
Ito ay kailangan para aming malaman ang katiyakan ng iyong pagdalo at maibilang sa talaan ng aming panauhin. Hinihiling namin ang inyong kumpirmasyon sa pagdalo sa o bago ang ika-10 ng Setyembre 2026.
Nag-RSVP ako ng “HINDI,” pero nagbago ang aking mga plano at makakadalo na ako. Ano ang dapat kong gawin?
Kung nais po ninyong makadalo, mangyaring makipag-ugnayan muna po sa amin upang magkaroon kami ng sapat na panahon na maisaayos muli ang talaan ng panauhin.
Kailangan pa ba naming mag-RSVP kahit sinabi na naming “OO” sa mag-asawa?
Opo, kailangan pa rin po namin ang inyong pormal na kumpirmasyon sa pagdalo upang maayos naming maitala ang mga detalye ng aming mga panauhin at matiyak ang tamang bilang ng mga dadalo para sa pagkain at ayos ng mga upuan.
May available bang parking space para sa aking sasakyan?
Oo, may available na parking para sa lahat ng bisita sa venue. Gayunpaman, **first come, first served** po ito, kaya mas mabuting dumating nang maaga upang makasiguro ng parking space. Huwag pong mahuli!
Kailan ang tamang oras para umalis?
Ilang buwan naming pinaghandaan ang espesyal na araw na ito, at nais naming ipagdiwang ito kasama ang mga taong tunay na mahalaga sa aming mga puso. Nais naming magsaya kayo at sulitin ang bawat sandali kasama namin! Kaya naman, samahan ninyo kami sa pagdiriwang hanggang sa pagtatapos ng programa. Sama-sama nating gawing mas espesyal at hindi malilimutang araw ang okasyong ito!
Paano ko matutulungan ang mag-asawa na maging masaya ang kanilang kasal?
- Manalangin kasama namin para sa magandang panahon at sa patuloy na pagpapala ng ating Panginoon habang sinisimulan namin ang bagong yugto ng aming buhay bilang mag-asawa.
- Mag-RSVP sa lalong madaling panahon kapag nakumpirma na ang inyong schedule.
- Magsuot ng angkop na kasuotan at sundin ang aming wedding motif.
- Mangyaring dumating sa tamang oras.
- Sundin ang nakatalagang seating arrangement sa reception.
- Manatili hanggang sa matapos ang programa.
- Makilahok sa mga gawain at magsaya kasama namin!
Maaari ba akong magdala ng “PLUS ONE” sa event?
Bagama’t nais naming makasama at ma-accommodate ang lahat ng aming mga kaibigan at kapamilya, limitado lamang ang bilang ng mga panauhing maaari naming imbitahan.
Hinihiling namin ang inyong pang-unawa na ang okasyong ito ay mahigpit na para lamang sa mga inimbitahan. Mangyaring tingnan ang inyong imbitasyon upang malaman ang bilang ng mga upuang nakalaan para sa inyo.
Ang mga panauhing wala sa aming opisyal na guest list ay hindi maaaring papasukin sa lugar ng aming pagdiriwang.
Maraming salamat sa inyong pang-unawa at pakikiisa.
Maaari ba akong umupo kahit saan sa reception?
Mangyaring huwag po. Malaki ang oras at effort na inilaan namin sa pagbuo ng seating arrangement, kasama ang maingat na pagpaplano at pag-uusap upang maging komportable at angkop ito para sa lahat.
Ngunit huwag po kayong mag-alala! Tinitiyak naming makakasama ninyo sa mesa ang inyong mga kaibigan o mga taong may kapareho ninyong interes.
Pagkatapos ng registration, masayang tutulong ang aming mga coordinator upang mahanap ninyo ang inyong nakatalagang upuan. Huwag po kayong mag-atubiling lumapit sa kanila kung kailangan ninyo ng tulong
Pinapayagan ba akong kumuha ng mga litrato at/o video habang isinasagawa ang seremonya?
Hinihiling namin na camera-free ang seremonya upang maging personal at espesyal ang aming I Do’s. Pero huwag mag-alala—open for photos ang reception! Marami kayong pagkakataong kumuha ng litrato at makibahagi sa masasayang alaala kasama namin.
Maaari ba akong magsama ng mga bata sa venue?
Mahal namin ang inyong mga anak, ngunit ang event na ito ay para sa mga adults lamang. Ituring ninyo itong pagkakataon para makapag-relax, magsaya, at lubusang ma-enjoy ang selebrasyon.
Maraming salamat sa inyong pang-unawa! Sabik na kaming makasama kayo sa pagdiriwang!
RSVP
Nasasabik kaming ipagdiwang ang espesyal na araw na ito kasama ang aming pinakamamahal na pamilya at mga kaibigan!
Mangyaring ipaalam sa amin kung makakadalo kayo.
Mag-RSVP bago o sa Setyembre 10, 2026.
Maraming salamat!